Space of Ottar

Ser nedetter Venåsdalen. Skodda har dels løfta seg, dels strekt seg ut.

29. juli: Oppe på toppen. Her er svak vind frå søraust og god temperatur. Venåsdalstinden ligg bak gøymd av skodda.

Tiriltunge oppe ved toppen.

Venåsdalstinden og Prosten delvis gøymde i skodda.

Skodda nærmar seg. Toppen ligg rett framføre.

Snøveronika.

Dette er vel ein brearve. Komen over 900 meters høgde. Her var det også myrfiol og løvetann å finne.

27. juli: Kveldstur. Regnet har ikkje heilt gitt seg. Lett bris frå nord. Kjersemvatnet til venstre.

23. juli: Står ved Vaksvik-gardane og ser mot Kvitnykja midt i bildet. Var der i dag. Med slike skyer brukar det vere nær vindstilt på toppane. Bles flau vind oppe på Kvitnykja, med opp til svak vind i sidene. Her nede på vegen bles det lett bris, og nede på Vaksvika kan vinden vere laber bris frå fjorden. Fjellet litt til høgre er Lauparlægda. Kollen til venstre er Grønnykjen.